Aengaende die ouer 7 iaren te Nachtmael gheweest sijn, ende ’t
pardoen ghehaelt hebben, hoemense toelaten sal tot den Nachtmale,
Is gheantwoordt, Soo de erghemisse openbaer is, soo salse
oopentlick ghebetert worden. Maer ouermidts in desen ghemeijnen
val onghelijckelick ghesondicht is soo sal de Consistorie na
gheleghentheijt der daet oordeelen of het ghenoech is met de
belijdinghe voorder Consistorie ende verclaringhe op den stoel,
of niet.
Desghelijcks is d’ antwoorde op de vraghe vanden Francoischen
Minister te Middelburch van eenen die te Misse ghegaen heeft na
de bekende waerheijt.